Önnur þáttaröð af Venjulegt fólk kom í heild sinni í Sjónvarp Símans Premium á miðvikudaginn í síðustu viku. Hún hefur fengið frábærar viðtökur og var spiluð yfir 100.000 sinnum á fyrstu dögunum. Þættirnir skipa nú efstu sex sætin á topp 10 listanum yfir mest spiluðu þætti vikunnar.
Í vikunni sem er að líða var á sama tíma slegið nýtt met og náðust yfir 870.000 pantanir hjá þeim 42.000 heimilum sem eru með áskrift að Sjónvarpi Símans Premium.
Það er því ljóst að stór hluti þjóðarinnar hefur verið að horfa stíft á nýjustu þáttaröðina af Venjulegu fólki síðustu daga. Með aðalhlutverk fara þær Vala Kristín, Júlíana Sara, Hilmar Guðjónsson og Arnmundur Ernst. Vala og Júlíana skrifa einnig þættina ásamt Dóra DNA og Fannari Sveinssyni sem jafnframt leikstýrir þáttunum. Þetta kom fram á vef Mbl.
Hér fyrir neðan má sjá brot úr þáttunum.