Stórleikararnir Ólafur Darri Ólafsson og Jóhannes Haukur Jóhannesson munu báðir fara með hlutverk í þáttunum Cursed, á vegum streymisveitunnar Netflix.
Þáttaröðinni hefur verið lýst sem nýstárlegri þroskasögu en þættirnir eru byggðir á samnefndri myndasögu eftir Frank Miller og Tom Wheeler og er þar tekinn nýr snúningur á goðsögnina um Arthur konung.
Í þáttunum, sem verða tíu talsins, fer Jóhannes með hlutverk ískonungsins Cumber í þremur þáttum en mun Ólafi einungis bregða fyrir í einum þætti sem konungi að nafni Rugen.
Sebastian Armesto, úr þáttunum Broadchurch og Poldark, fer með aðalhlutverkið í þáttunum og sænski leikarinn Gustaf Skarsgard er þar einnig með stórt hlutverk. Reiknað er með að Cursed fari í loftið á næsta ári.
Þetta kom fram á vef DV.