Stjarna Björgvins Halldórssonar fjarlægð

Auglýsing

Stjarna Björgvins Halldórssonar í gangstéttinni fyrir framan Bæjarbíó í Hafnarfirði hefur nú verið fjarlægð. En Björgvin var fyrsti tónlistarmaðurinn til að hljóta þann heiður að fá nafn sitt grafið í gangstéttina fyrir framan Bæjarbíó í Hafnarfirði.

Stjarna Björgvins var afhúpuð við athöfn í sumar. Viðskiptaráðið í Hollywood komst á snoðir um þetta og fékk forseti bæjarráðs Hafnarfjarðar kvörtun að utan, um ólögmæta notkun á Hollywood-stjörnunni í gangstéttinni. Þótti þeim það ólögmætt að herma eftir þeirri hefð sem skapast hefur  í Hollywood og óskuðu eftir því að stjarnan yrði fjarlægð tafarlaust.

Málið var tekið fyrir á fundi bæjarráðs Hafnarfjarðar í gær og bréfasamskipti forseta bæjarstjórnarinnar og lögmanns viðskiptaráðs Hollywood lögð fram. Sú ákvörðun var tekin að nota ekki vernduð vörumerki og höfundarvarin tákn og hefur stjarna Björgvins því verið fjarlægð af gangstéttinni. Þetta kom fram á vef Rúv.

Auglýsing

læk

Ummmmm...

Instagram