Svona hófst brjóstabyltingin á sínum tíma, konur fengu nóg af tvískinnungi

Auglýsing

Fréttin um Diljá Sigurðardóttur, sem var vísað upp úr Jaðarsbakkalaug á Akranesi fyrir það eitt að vera ber að ofan í gær hefur vakið mikla athygli. Diljá neitaði að yfirgefa laugina en sagðist í samtali við Nútímann vona að samfélagið væri að breytast.

Diljá sagði einnig að baðvörðurinn á Akranesi hafi sagt að það „væri ekki Free the Nipple-dagurinn í dag“ og var hún þar að vísa í brjóstabyltinguna sem hófst á Twitter í lok mars árið 2015.

Sjá einnig: Berbrjósta stelpu vísað upp úr sundlaug á Akranesi: „Við vorum allar mjög hissa“

Byltingin hófst þegar Verzlunarskólaneminn Adda Þóreyjardóttir Smáradóttir birti mynd af sér þar sem hún var ber að ofan og ungur maður gerði lítið úr henni. Í kjölfarið rigndi stuðningsyfirlýsingum yfir Öddu og málstaðinn.

Auglýsing

Hún sagði í samtali við Nútímann að baráttan snerist um að eyða tvískinnungi og að konur ættu að geta verið berar að ofan eins og strákar.

Byltingin vakti gríðarlega athygli. Kassamerkið #freethenipple hélt utan um mikla umræðu á samfélagsmiðlum þar sem konur birtu myndir af sér berum að ofan til styðja málstaðinn.

Nanna Hermannsdóttir, vinkona Öddu, birti færslu á Facebook í fyrra þegar ár var liðið frá því að byltingin hófst. Hún sagði daginn heilagan og að það tengdist Jesús ekki neitt.

„Hún [Adda] var komin með nóg af þeim double standard sem við lifum við. Að konur eigi að skammast sín fyrir líkama sinn. Fyrir einu ári ákvað ónefndur nafni hennar að taka það á sig að drulla yfir þessa ákvörðun hennar, líkama og um leið frelsi,“ segir hún.

Fyrir ári síðan sat ég sveitt við tölvuna mína heilan dag og tók rétt aðeins pásu til að spjalla við Atla Fannar um byltinguna sem var í gangi á Twitter, en Nútíminn virtist vera eini miðillinn sem þorði að taka af skarið og fjalla um málið.

Nanna sagði í færslu sinni margt hafa breyst á skömmum tíma. „Ég er þakklát brjóstabyltingunni. Ég er þakklát þeim styrk og tækifærum sem hún hefur gefið mér, ég er þakklát sterku konunum sem tóku þátt í því að gera þetta að veruleika og ég er þakklát fyrir þá jákvæðu athygli sem fjölmiðlar hafa sýnt okkur,“ segir hún.

Hún segist þó ekki vera þakklát fyrir skoðanir Facebook á málinu en myndir af brjóstum kvenna er ritskoðaðar ólíkt samskonar myndum af körlum. „Fyrir ári var tekið stórt skref í átt að jafnrétti kynjanna. Nú gefumst við ekki upp,“ sagði Nanna.

Auglýsing

læk

Ummmmm...

Instagram