„Það er leiðinlegt að sjá að það sé ekki markaður fyrir svona vinsælum rétti eins og Bæjarins Beztu pylsum á Akureyri“

Auglýsing

Bæjarins Beztu hafa verið vinsælustu pylsurnar í Reykjavík í tugi ára og verið í bransanum síðan árið 1937.

Á þessu ári var farið í “útrás” norður til Akureyrar en virðast pylsurnar ekki hafa farið vel í Akureyringa því nú er búið að loka Bæjarins Beztu á Akureyri eftir aðeins nokkra mánuði.

Opnun vagnsins gekk vel og Bæjarins Beztu fór vel af stað til að byrja með. Hins vegar var sumarið ekki eins gott og gert var ráð fyrir. Rekstraraðili vagnsins segir það miður að ekki sé vettvangur fyrir reksturinn á Akureyri.

,,Það er leiðinlegt að sjá að það sé ekki markaður fyrir svona vinsælum rétti eins og Bæjarins Beztu pylsum á Akureyri. Við erum þó ennþá opin fyrir því að bjóða upp á Bæjarins Beztu pylsur á Akureyri og hver veit hvort að við byrjum á því aftur einhvern tímann á næstunni,“ segir Barði Þór Jónsson, einn rekstraraðila vagnsins á Akureyri. Þetta kom fram á Kaffið.is.

Auglýsing

læk

Ummmmm...

Instagram