Microsoft kynnt í vikunni vefsíðuna How-Old.net, sem giskar á aldur fólks.
Sjá einnig: Vefsíða giskar á aldur fólks
Tilgangurinn er að sýna tæknina sem Microsoft vinnur að bak við tjöldin en vefurinn kemur til með að verða betri og betri í því að giska á aldur fólks eftir því sem fleiri nota hann. Hér má lesa um tæknina á bakvið vefinn.
Nútíminn fékk aldursvélmennið til að giska á aldur nokkurra þingmanna og niðurstaðan er nokkuð skemmtileg. Vélmennið nær nánast aldrei að giska á réttan aldur en er stundum ansi nálægt því.
Forsætisráðherra varð fertugur á dögunum en vélmennið trúir því ekki og klúðrar aldri hans algjörlega.
Bjarni Ben fær hins vegar silkihanskameðferð frá vélmenninu en hann er 45 ára gamall.
Jóhanna María er yngsti þingmaður landsins og vélmennið trúir ekki að hún sé aðeins 23 ára gömul.
Og unglambið Össur er aðeins 61 árs en fær harkalega að kenna á því frá vélmenninu.
Óttarr er 46 ára þannig að þetta gisk er ekki svo slæmt.
En Brynjar er hins vegar aðeins 54 ára og fær að kenna á því frá vélmenninu.
Birgitta er á miklu flugi með Pírötum þessa dagana. Hún er 48 ára en fylgið virðist yngja hana.
Og vélmennið er nokkuð nálægt Helga Hrafni sem er þó aðeins 33 ára.
Vélmennið tekur 10 ár af Sigríði Ingibjörgu, sem er 46 ára.
En er ansi nálægt Sigurði Inga. Hann er 53 ára.
Eins og alltaf þegar persónukannanir eru gerðar á þingmönnum kemur Katrín Jakobsdóttir best út. Hún er 39 ára en vélmennið tekur af henni áratug!
Í einu tilviki var vélmennið með hárrétt gisk. Vigdís Hauksdóttir varð fimmtug á dögunum.
