Allar vörur í verslun 10-11 í Glæsibæ verða á 70% afslætti í dag en til stendur að loka versluninni. Þegar blaðamaður Nútímans leit við í hádeginu voru flestar hillur næstum tómar og óvenju margir inni í versluninni, líklega í von um að gera kjarakaup.
Afsláttur er töluverður en hafa verður í huga að verð í 10-11 er töluvert hærra en gengur og gerist í matvöruverslunum. Þannig kostar hálfur líter af gosi 349 krónur, pakki af Tópas 369 krónur og dós af kattamat hátt í 500 krónur.
Viðskiptavinir 10-11 virðast ekki hafa mikinn áhuga á blönduðum ávaxtagraut og jarðarberjagraut
Remúlaðið var frekar einmana í kælinum
Hér höfðu viðskiptavinir fúlsað við nokkrum dósum af kattamat og pakka af bleium
Það var aftur á móti nóg eftir af nammi í búðinni, sem og gosi
