Íslenska landsliðið vann Svartfellinga með tólf marka mun í gær og tryggði sér þar með farseðilinn á Evrópumeistaramótið í handbolta karla í Póllandi í janúar á næsta ári.
Við fögnum þessu en viljum um leið heiðra einn mann. Þvílíkan mann: Guðjón Val Sigurðsson. Hann skoraði tíu mörk í leiknum og hér eru átta ástæður fyrir því að við elskum hann öll.
1. Svona spilar hann handbolta
Guðjón Valur spilar handbolta með Barcelona og varð á dögunum Evrópumeistari með liðinu. Barcelona vann ungverska liðið Veszprem í úrslitaleiknum. Guðjón Valur skoraði sex mörk og lék allan leikinn.
2. Hann á pitsustað með vinum sínum
Guðjón Valur opnaði pitsustaðinn Íslenska flatbakan í Kópavogi í lok mánaðarins ásamt tveimur vinum sínum.
3. Hann er mikill grallari
4. Hann er með forgangsröðunina á hreinu
Guðjón Valur missti af æfingamóti í Danmörku og Svíþjóð í janúar og sagði þá í samtali við Vísi að fjöskyldan væri mikilvægari en handboltinn:
„En sonur minn lá veikur á spítala og ég sagði að ég kæmi ekkert fyrr en að hann kæmi út. Aðstæður eru þannig – maður forgangsraðar í lífinu og börnin og fjölskyldan eru mér mikilvægari en handboltinn. En ég náði samt að æfa alla daga þó svo að ég hafi ekki verið í handbolta.“
5. Hann er í fáránlegu formi
Handboltalandsliðið sá um Nova-Snapchatið á sunnudag. Þar sást Guðjón Valur ber að ofan og þetta gerðist:
Leysti gamalt sakamàl à nova snapchat. Það var GuðjónValur sem stal sixpacknum mínum. #sakamàl #meirasvona8pack #bimbubaninnvirkar
— Haraldur Logi Flameboypro (@Flameboypro) June 14, 2015
Guðjón Valur á novasnappinu??
— Dagbjört Ingvarsd. (@dagbjortingvars) June 13, 2015
U ok Guðjón Valur ber að ofan!? ???
— Elín Rósa (@elinrosag) June 13, 2015
6. Hann kann að vinna
Ísland vann Svartfjallaland auðveldlega á sunnudag. Í viðtali á Vísi sagðist Guðjón Valur gríðarlega ánægður með frammistöðu áhorfenda og vildi ekki segja andstæðingana lélega.
„Ég er bara rosalega ánægður hvernig við spiluðum og mér finnst alltaf leiðinlegt að heyra að aðrir séu lélegir.“
7. Hann keyrir mótorhjól
8. Hann talar ekki í kringum hlutina
Fyrir heimsmeistaramótið í handbolta í Katar var mikið talað um aðbúnað verkafólks í landinu. Guðjón Valur sagði það hreint út fyrir mótið að hann væri ekki spenntur fyrir að heimsækja landið:
Ég hef tvisvar spilað mót þarna. Þeir ná í einhverja iðnaðarmenn og útlendinga sem vinna hjá þeim til að fylla stúkurnar. Mér finnst líklegt að það verði þannig líka núna. Eftir að hafa spilað tvö mót þarna þá get ég með góðri samvisku sagt að það var ekkert merkilegra en að fara bara á æfingu.