RÚV hyggst sýna frá sauðburði í fjárhúsunum á Syðri-Hofdölum í Skagafirði, hjá þeim Atla og Klöru í vikunni, eins og Nútíminn greindi frá í gær. Útsendingin hefst á hádegi fimmtudaginn 14. maí, uppstigningardag, og stendur til hádegis föstudaginn 15. maí.
Nú hyggst RÚV bæta um betur og fá bændur til að útskýra það sem fyrir augu ber á Twitter með því að svara spurningum notenda samfélagsmiðilsins.
RÚV sagði frá þessu á Twitter í gær.
@atlifannar kom með góða hugmynd varðandi #beintfráburði. Bændur svara spurningum af Twitter í beinni. Það verður gert! Takk Atli.
— RÚV (@RUVohf) May 11, 2015
Sauðburðurinn verður þó ekki í beinni útsendingu á aðalrás RÚV heldur á RÚV.is og á hliðarrásinni RÚV 2.
Þá hyggst stofnunin vera í beinni á Twitter á reikningi sínum, @sjonvarpid, og hefur búið til kassamerkið #beintfráburði til að halda utan umræðurnar sem munu skapast.