Olís ætlar um verslunarmannahelgina að bjóða upp á bjór á bensínstöðvum sínum á leiðinni frá Reykjavík til Vestmannaeyja. Þetta kemur fram í Morgunblaðinu í dag og hefur vakið mikla athygli.
Þetta er þó ekkert einsdæmi því að sögn Sigríðar Hrefnu Hrafnkelsdóttur, framkvæmdastjóri smásölusviðs hjá Olís, er alltaf hægt að kaupa bjór á afgreiðslustöð Olís í Borgarnesi.
Þá vita þeir sem ferðast um þjóðveginn að bjór er einnig í boði í Staðarskála.
Boðið verður upp á Tuborg flöskubjór á bensínstöðvum Olís í Norðlingaholti, Selfossi og Hellu ásamt því að skemmtikraftar koma fram.
Sigríður Hrefna Hrafnkelsdóttir, framkvæmdastjóri smásölusviðs hjá Olís, segir í Morgunblaðinu í dag að þetta sé gert í samstarfi við Þjóðhátíðarnefnd og Ölgerðina.
Þess var óskað af hálfu Ölgerðarinnar að myndum skoða hvort við gætum verið með Tuborg bjór á boðstólum á leiðinni til Vestmannaeyja, vitaskuld aðeins fyrir farþega en ekki ökumenn.
Vínveitingaleyfið gildir tímabilið 28. júlí – 4. ágúst frá kl. 11:30 til kl. 23:00.