Bogi Ágústsson hafði mjög gaman að því að lesa fréttirnar um Bogakökuna í sex ára afmæli Karitasar Lóu, sem vakti gríðarlega athygli um helgina. Þetta kemur fram á Vísi.
Sjá einnig: Karitas Lóa vildi Bogaköku í sex ára afmælisveisluna: „Hún bíður alltaf spennt eftir fréttunum“
Karitas Lóa hélt upp á sex ára afmælið sitt með veislu á laugardag. Kamilla Einarsdóttir, móðir Karitasar, sagði að hún hafi fengið að velja sér köku í tilefni dagsins. „Hún valdi að sjálfsögðu að fá köku með nammi og mynd af átrúnaðargoðinu hennar, honum Boga Ágústssyni.“
Frétt Nútímans var ótrúlega mikið lesin og það má segia að Karitas Lóa hafi brætt ófá hjörtu með þessari skemmtilegu ósk um afmælisköku. Í frétt Vísis kemur fram að Bogi hafi frétt af aðdáanda sínum í gegnum móðurafa Karitas Lóu, rithöfundinn Einar Kárason.
Það er voðalega gaman að þessu og gaman að því þegar ungir krakkar fylgjast með fréttum og öðru slíku. Svo er auðvitað mjög gaman að þessi unga stelpa var á leikskóla með sonarsyni mínum sem heitir Bogi Ágústsson.
Í samtali við Vísi segist hann ekki vita þess að áður hafi verið haldið afmæli með Bogaþema.