Fimmtán símar af gerðinni iPhone 6s seldust upp á tveimur dögum í verslun iSímans á dögunum. Stykkið seldist á 190 þúsund krónur. Þetta kemur fram á mbl.is. Sala á símanum hefst þó ekki með hefðbundnum leiðum fyrr en 9. október en eigandi iSímans keypti símana fyrir viðskiptavini sína í Bretlandi.
Tómas Kristjánsson, eigandi iSímans, segir í samtali við mbl.is að viðbrögðin hafi verið frábær og áhuginn augljóslega mikill.
Við komum með fimmtán stykki og það seldist allt upp á tveimur dögum. Í dag eigum við von á stærri pöntun. Við vorum að leggja svona 25 þúsund krónur á hvern síma. Við erum að hafa fyrir því að sækja símana til Bretlands til að vera fyrstir og því fylgir kostnaður.
Tómas segir á mbl.is að dreifingaraðilarnir á Íslandi þurfi að bíða eftir því að Apple úthluti þeim símum.
Taktu prófið! Átt þú að fá þér nýjan iPhone?
„Við erum ekki dreifingaraðillar og því skiptir í raun og veru ekki hvar við fáum okkar síma. Við verslum bara af símafyrirtækjunum þegar þetta er komið til landsins en þangað til megum við sprella svona án þess að einhver sé að skipta sér af því.“