Eins og fjölmiðlar greindu frá í sumar vinnur bandaríski verslunarrisinn Costco að því að opna verslun hér á landi. Costco horfir til að opna í Kauptúni í Garðabæ en fulltrúar frá fyrirtækinu funduðu með bæjaryfirvöldum þar í bæ í sumar um að opna verslun á svæðinu.
Guðmundur Ingvi Sigurðsson, hæstaréttarlögmaður á Lex, er lögmaður fyrirtækisins hér á landi. Hann segir að ýmsu að hyggja og að Costco flýti sér hægt:
Costco er að vega og meta markaðinn og hvað vörur þeirra kæmu til með að kosta hér á landi.
Óvíst er hvenær Costco opnar hér á landi en um 20 manns eru í fullri vinnu vestanhafs að undirbúa komuna til viðbótar við þá sem verslunarrisinn starfar með hér á landi.
Eins og Nútíminn greindi frá á dögunum safnar Costco upplýsingum um viðskiptavini sína en íslensk persónuverndarlög koma ekki í veg fyrir það.
Costco er næststærsta smásölufyrirtæki Bandaríkjanna og selur allt frá matvöru til dekkja, áfengis og lyfja.