Samfélagsmiðlastjarnan og glaumgosinn Dan Bilzerian hefur ferðast um Ísland undanfarna daga en ef marka má samfélagsmiðla hans þá er hann ánægður með dvöl sína hér. Um helgina birti hann myndir frá Sauðárkróki þar sem hann heimsótti náttúrulaug að nóttu til.
Fyrir þá sem ekki vita þá er milljónamæringurinn Dan Bilzerian líklega frægastur fyrir Instagram-síðu sína þar sem hann birtir aðallega myndir af sjálfum sér ásamt fáklæddum konum. Þessi 38 ára Bandaríkjamaður er með yfir 27 milljónir fylgjendur á samfélagsmiðlum sínum.