Grínistinn Steindi, Sigrún sambýliskona hans og Ronja dóttir þeirra fengu sér hamstur í byrjun desember sem nefndur var Jóhann Berg, í höfuðið á syni Péturs Jóhanns Sigfússonar. Eftir að Jóhann Berg meig á sig í gær þurfti Steindi að skella honum í bað. Þá kom í ljós að Jóhann Berg er kona.
Sjá einnig: Steindi nær fram hefndum og nefnir hamstur fjölskyldunnar í höfuðið á syni Pétri Jóhanns
Steindi sagði frá uppákomunni á Instagram-síðu sinni og segir í samtali við Nútímann að þetta hafi komið skemmtilega á óvart. „Okkur var tilkynnt að þetta væri karlmaður þegar við keyptum hann og ég var svosem ekkert að kanna það nánar eftir að hún kom. Síðan kom þetta í ljós þegar við böðuðum hana í gær,“ segir Steindi.
Nú eru þrjár stúlkur á heimilinu sem er bara frábært!
Hann segir að þrátt fyrir þessa uppgötvun fái hún að halda nafninu. „Þetta kom skemmtilega á óvart og við ætlum að halda nafninu, það er á hreinu. Hún verður bara fyrsti kvennkyns Jóhann Berg á landinu,“ segir Steindi.
Sjáðu Instagram-færslu Steinda hér að neðan