today-is-a-good-day

Guðmundur er 72 ára og kom í fyrsta skipti til Reykjavíkur í vikunni eftir að kýr sló halanum í hann

Guðmundur Ármannsson, 72 ára kúabóndi á Vaði í Skriðdal, kom í fyrsta skipti til Reykjavíkur á þriðjudaginn í þessari viku. Hann ráðleggur íbúum borgarinnar að fækka bílunum um helming til að byrja með að dreifa fólkinu meira út úr borginni. Þetta kemur fram í skemmtilegu viðtal við Guðmund á RÚV. 

Ástæða þess að Guðmundur fór loksins til Reykjavíkur er sú að kýr sló halanum í augað á honum fyrir um mánuði síðan og blæddi mikið inn á augað. „Svo eyddist það en núna fyrir nokkrum dögum þá kom svona svartur baugur inn á augað og geimrusl inn á sjónina. Þarna voru tveir kostir og hvorugur góður. Annað hvort að missa sjónina eða fara,“ segir hann.

Guðmundur var ekki hrifinn af öllum bílunum í borginni. „Það er auðvitað umferðin í Reykjavík. Hún er algjört kaos og maður gat ímyndað sér að þarna væri um helmingi of margir bílar á ferð. Þegar gangandi fólk fer fram úr bílum þá er nú eitthvað að,“ segir hann í samtali við RÚV. 

Auglýsing

læk

Instagram