Forsvarsmenn veitingahúsakeðjunnar Hard Rock vilja að staðurinn opni á ný á Íslandi. Hafa þeir sett sig í samband við aðila á Íslandi sem hafa þó ekki tekið boðinu. Þetta kemur fram á mbl.is.
Ísland er appelsínugult á sérstöku korti á vef Hard Rock sem sýnir hvar veitingastaði keðjunnar er að finna. Appelsínuguli liturinn táknar að keðjan sé með virkum hætti leita eftir einhverjum til þess að sjá um rekstur veitingahússins hér á landi.
Á mbl.is kemur fram að þegar smellt er á Ísland má sjá að Hard Rock vill opna stað í Reykjavík en áhugasamir geta sótt um á heimasíðunni.
Tómas Tómasson, sem er í dag þekktur sem Tommi á Búllunni, opnaði Hard Rock í Kringlunni árið 1987. Gaumur hf, eignarhaldsfélag Bónus-feðga, keypti svo staðinn árið 1999 og rak hann þar til honum var lokað í maí 2005.