today-is-a-good-day

Heiðari Austmann sagt upp á FM957

„Nú er þessum kafla lokið og eitthvað nýtt og spennandi tekur við,“ segir útvarpsmaðurinn Heiðar Austmann.

Heiðar hefur unnið sinn síðasta dag á útvarpsstöðinni FM957 en hann hefur starfað þar sem útvarpsmaður og síðar dagskrárstjóri í 17 ár. Það var komið að honum í niðurskurðinum, eins og hann orðar það sjálfur en hann skilur ekki við stöðina í illu.

„Ég átti frábær ár á FM en ég vissi að ég yrði ekki útvarpsmaður á unglingastöðunni FM957 alla tíð. Þetta er jákvæð breyting,“ segir hann brattur.

Heiðar hefur komið víða við í fjölmiðlum undanfarin ár og prófað bæði blaða- og sjónvarpsmennsku þó hann hafi alltaf verið mest áberandi sem útvarpsmaður. Þá hefur hann einnig sinnt markaðs- og sölumálum fyrir FM957 og komið að rekstri útvarpsstöðvarinnar. Hann segir fjölmiðlana heillandi og útilokar ekki að halda áfram að starfa á þeim vettvngi.

En núna ætlar hann hins vegar að taka sér frí:

Ég hef ekki tekið mér heilt sumarfrí frá því ég byrjaði að vinna 15 ára gamall. Ég er með eina fimm mánaða og aðra fjögurra og hálfs árs hérna heima og konan hefur lengi óskað eftir að ég tæki ég meira þátt. Nú er komið að því.

Auglýsing

læk

Instagram