Hjónin Andrea og Steffen Ulrich frá Nelson í Kanada eignuðust barn á nýársnótt. Barnið var það fyrsta í bænum á árinu og fékk nafnið Gunnar. Þrátt fyrir þessa skemmtilegu tilviljun tengist barnið ekki á neinn hátt íslenska bardagakappanum Gunnari Nelson. Frá þessu er greint á Vísi í dag.
Fjallað er um drenginn Gunnar frá Nelson í miðlinum The Nelson Daily. Þar kemur fram að hjónin eigi fyrir einn dreng sem ber nafnið Ragnar. Það er því ljóst að Norræn nöfn eru vinsæl á heimilinu.