Íslensk fyrirtæki eru byrjuð að skora hvert á annað í Ísfötuáskoruninni af miklum móð. Auglýsingastofan Hvíta húsið tók áskorunina alla leið eins og meðfylgjandi myndband sýnir:
Ísfötuáskorunin hefur vakið athygli á MND-sjúkdómnum og farið eins og eldur í sinu um heiminn. „Þetta er stórkostleg vitleysa, sem hefur hjálpað MND að eignast sess í hugum manna,“ segir Guðjón Sigurðsson, formaður MND félagsins á Íslandi, í samtali við Vísi og bætir við að allir hafi gott af kælingu.
Ragnhildur Steinunn tók einnig áskorun á dögunum frá leikkonunni Ágústu Evu og skoraði sjálf á Unnstein Manúel úr Retro Stefson, Eddu Hermannsdóttur blaðakonu og Sverri Þór Sverrisson skemmtikraft.