Söngvarinn og fótboltakappinn Ingólfur Þórarinsson, best þekktur sem Ingó Veðurguð, er búinn að finna ástina. Þetta kemur fram í Fréttatímanum í dag.
Ingó, sem stýrir þáttunum Minute to Win it sem hefjast á Skjá einum í næstu viku, hefur verið piparsveinn undanfarin ár en hefur nú fest ráð sitt og virðist gríðarlega sáttur við það miðað við viðtalið í Fréttatímanum:
Ég er ástfanginn í fyrsta sinn og það er bara frábær tilfinning. Hún heitir Rakel og er hárgreiðslukona og vinnur í Borgarleikhúsonu. Við kynntumst fyrst fyrir nokkrum mánuðum og hún er bara frábær manneskja. Þetta er ný tilfinning og mjög góð.