Rússneska ofurfyrirsætan Irina Shayk er stödd á Íslandi en hún hefur eytt síðustu dögum hér. Irina hefur verið mikið í fréttum eftir skilnað sinn við leikarann Bradley Cooper.
Sjá einnig: Bradley Cooper og Irina Shayk hætt saman
Irina er ein þekktasta fyrirsæta í heiminum í dag og hefur hún starfað fyrir öll stærstu tískuhús heims. Hún skildi við leikarann Bradley Cooper í vikunni eftir fjögurra ára samband. Saman eiga þau dótturina Leu De Seine sem er tveggja ára.
Líklegt er að Irina hér sé stödd til að sinna fyrirsætustörfum en hún hefur verið dugleg að sýna frá ferð sinni á Instagram síðu sinni þar sem yfir 12 milljónir einstaklinga fylgjast með henni. Hún hefur sett inn tvær myndir þar sem að hún merkir tískufyrirtækin Falconeri og Intimissimi. Hún hefur einnig sýnt frá ferðalagi sínu í gegnum Instagram-stories. Hægt er að fylgjast með henni á Instagram hér.