Óeirðir brutust út í borginni Baltimore í Bandaríkjunum í gær. Kveikt var í fjölda bygginga og bifreiða og eyðileggingin er gríðarleg. Óeirðirnar brutust út í kjölfar útfarar Freddie Gray sem lést af völdum áverka sem hann varð fyrir í haldi lögreglu.
Það er ekki beint auðvelt að sofna í brennandi borg
— Krn Ösp (@krnosp) April 28, 2015
Karen Pálsdóttir er námsmaður í Baltimore og lýsti upplifun sinni á Twitter í nótt. Hún segir í samtali við Nútímann að þessa stundina sé aðeins rólegra en í gærkvöldi.
Það eru samt ennþá eldar. Fólk hefur verið að skera á brunaslöngurnar til þess að gera slökkviliðinu erfitt fyrir. Það er ennþá verið að brjótast inn í búðir en það er aðeins fjær húsinu mínu núna.
Víða um borgina má sjá brennandi byggingar og bíla.
Karen hóf að tísta um óeirðirnar í gærkvöldi.
Núna er verið að brjótast inn í búðir við hliðina á húsinu mínu og leggja allt í rúst eða "loota".
— Krn Ösp (@krnosp) April 27, 2015
Bý á milli tveggja 711's og það er búið að ráðast inn í báða
— Krn Ösp (@krnosp) April 27, 2015
Innbrotsþjófarnir reyndu svo að brjótast inn hjá henni.
Það var reynt að brjótast inn til mín. Held að allt sé ennþá heilt niðri. Sá það í dyra símanum
— Krn Ösp (@krnosp) April 27, 2015
Karen sagði svo að herinn væri á leiðinni og að borgarstjóri Baltimore hafi tilkynnt um sérstakt útivistarbann — að fólk verði handtekin ef það er úti fyrir klukkan 10 eða eftir klukkan 17.
https://twitter.com/lilkronosp/status/592863098626768896