Játar 27 árum síðar að hafa nauðgað og myrt Jacob Wetterling

Auglýsing

Danny Heinrich, 53 ára gamall karlmaður, nam Jacob Wetterling, níu ára dreng frá St. Joseph í Minnesota, á brott, myrti hann og gróf líkið fyrir 27 árum. Þetta játaði hann fyrir dómi en hann hafði áður vísað lögreglu á líkið. CBC News greinir frá málinu.

Líkamsleifar drengsins fundust 1. september í Paynesville í Minnesota, tæpum 50 kílómetrum frá staðnum þar sem drengurinn sást síðast.

Heinrich, sem einnig var grunaður um vörslu barnakláms, gerði samkomulag við saksóknara í málinu. Hann greindi frá máli Wetterling, játaði brot sín og fær þar af leiðandi styttri fangelsisdóm.

Sjá einnig: Fundu líkamsleifar Jacobs Wetterling 27 árum eftir hvarf hans

Auglýsing

Maðurinn greindi frá síðustu klukkustundunum í lífi drengsins fyrir dómi. Hann sagði meðal annars að Wetterling hefði spurt: „Hvað gerði ég rangt?“ Þá lýsti Heinrich því hvernig hann nauðgaði dregnum sem grét og vildi fara heim.

Nokkrum klukkustundum síðar varð Heinrich mjög stressaður og myrti drenginn. Hann fór heim til sín og dvaldi þar um stund áður en hann sneri aftur til að fela lík drengsins. Hann henti skóm hans í vatn í nágrenninu þar sem hann gleymdi að grafa þá. Sagðist Heinrich hafa verið einn að verki.

Í frétt Lancaster Eagle-Gazette segir að Heinrich hafi ári síðar farið að staðnum þar sem hann gróf lík Wetterling og tekið eftir því að farið var að sjást í líkamsleifarnar. Safnaði hann þeim saman og færði þær á annan stað í nágrenninu.

Auglýsing

læk

Ummmmm...

Kjúklingur í karrý

Sænsk möndlukaka

Sænsk möndlukaka

Instagram