Krúttlegu kettlingarnir í Kattarshians slá í gegn: „Get ekki hætt að horfa á Kattarshians“

Raunveruleikaþátturinn Keeping Up with the Kattarshians hóf göngu sína á Nútímanum á fimmtudag. Smelltu hér til að horfa en einnig er hægt að horfa á þættina á rás 0 í Sjónvarpi Símans.

Í þættinum fylgjumst við með lífi fjögurra kettlinga í beinni útsendingu en ýmislegt gengur á. Þættirnir hafa slegið í gegn og tugþúsundir hafa þegar horft á þáttinn frá öllum heimshornum á síðustu dögum. Það skal tekið fram að það er eðlilegt fyrir kettlinga að sofa mikið en kettlingarnir okkar eru duglegir að nýta kojurnar sínar.

Sjá einnig: Kettlingarnir í Keeping up with the Kattarshians kynntir til sögunnar

Myllumerkið #kattarshians er notað til að halda utan um umræðuna á Twitter en hún hefur verið ansi lífleg. Fólk hefur meira að segja áhyggjur af framleiðni í íslensku atvinnulífi enda hægt að fylgjast með kettlingunum klukkustundum saman.

Briet, Ronja, Guðni og Stubbur – nöfnin sem lömuðu íslenskt atvinnulíf í ársbyrjun 2017.#kattarshians#kattholt#mjástandið

— Stefán Halldórsson (@Stebbi76) February 10, 2017

Get ekki hætt að horfa á Kattarshians. Mjög mikið í gangi núna. Leika með gorminn og þvo sér.

— Alma (@Melsted) February 10, 2017

Á að skrifa niður hvað ég er að gera í vinnunni og ég gæti örugglega skrifað "Horfði á Kattarshians" í alla klukkutímana

— Sandra Smára (@ovinkona) February 10, 2017

Kettlingarnir eru líka komnir með eigin síðu á Facebook sem fólk getur lækað ef það vill ekki missa af neinu. Við hvetjum ykkur til að læka

Verkefnið er unnið í samvinnu við Kattavinafélag Íslands, með fullri vitneskju og samþykki Matvælastofnunar, dýraeftirlitsmanns suðvesturumdæmis og dýralæknis gæludýra og dýravelferðar.

Kettlingarnir Guðni, Stubbur, Bríet og Ronja eru níu vikna. Þau fundust í húsi í verksmiðjuhverfi ásamt mömmu sinni. Þeim var öllum komið í Kattholt þar sem hlúð var að þeim. Eftir að hafa dvalið þar, vaxið og dafnað, fluttu systkinin í húsið þar sem hægt er að fylgjast með þeim.

Umræðan á Twitter hefur verið ansi skemmtileg

Nei, núna eru þeir þrír í einu rúmi. Þetta er allt of sætt! #Kattarshians

— Natan F. Guðmundsson (@natanfreyr) February 10, 2017

Kíkti svona rétt aðeins á #kattarshians. Þau voru öll sofandi. Þvílík viska! Ég ætla að leggja mig smá.

— byltINGA (@ingaausa) February 10, 2017

Og góðar hugmyndir hafa komið fram

Af hverju er Laddi ekki að döbba ALLA í #kattarshians

— Jóhannes Bragi (@joibjarna) February 10, 2017

Guðni hefur vakið athygli. Já, hann er nefndur í höfuðið á forsetanum

Af hverju er Guðni alltaf einn og hin eitthvað að hnoðrast saman? ? #kattarshians

— Ólöf Hugrún (@olofhugrun) February 10, 2017

Ætli þetta virki?

Er það ekki skotheld pikköpp-lína fyrir helgina að bjóða einhverjum í #kattarshians & chill?

— Einar Ásmundsson (@einarinho) February 10, 2017