Kylie Jenner hefur eytt öllum myndum af andliti dóttur sinnar, Stormi Webster, á Instagram. Í svari við athugasemd á Instagram segist hún ekki vera að deila myndum af dóttur sinni í augnablikinu.
Yngsta Kardashian-dóttirin og snyrtivörumógúllinn Kylie Jenner eignaðist dóttur með kærastanum sínum rapparanum Travis Scott, þann 1. febrúar síðastliðinn. Henni tókst að halda óléttunni leyndri allan tímann en birti myndband af meðgöngunni nokkrum dögum eftir að dóttir hennar fæddist.
Síðan þá hefur hún deilt fjölda mynda og myndbanda af Stormi á Instagram og Instagram Story, aðdáendum til mikilla gleði en hún er með 109 fylgjendur á samfélagsmiðlinum.
Jenner fékk þó mikla gagnrýni fyrir nýjustu mynd sína á Instagram en þar hefur hún klippt dótturina út af myndinni.