Söngparið Liam Payne og Cheryl eru hætt saman en sögusagnir voru uppi um sambandsslit þeirra. Þau staðfestu þetta bæði á Twitter þar sem kemur fram að það hafi verið erfið ákvörðun að hætta saman en þau elski fjölskyldu sína mikið. Parið á saman drenginn Bear sem fæddist í mars á síðasta ári. BBC greinir frá.
Parið fyrrverandi staðfesti sambandsslitin á Twitter í eins færslum
Cheryl and I are sad to announce that we are going our separate ways. It's been a tough decision for us to make. We still have so much love for each other as a family. Bear is our world and we ask that you respect his privacy as we navigate our way through this together.
— Liam (@LiamPayne) July 1, 2018
We are sad to announce that we are going our separate ways. It's been a tough decision for us to make. We still have so much love for each other as a family. Bear is our world and we ask that you respect his privacy as we navigate our way through this together.
— Cheryl (@CherylOfficial) July 1, 2018
Liam gerði garðinn frægan með strákasveitinni vinsælu One Direction en hann kynntist Cheryl fyrst þegar hann fór í áheyrnarprufur fyrir raunveruleikaþáttinn The X Factor aðeins 14 ára gamall, árið 2008, en hún var dómari í þáttunum. Hann hefur átt farsælan sólóferil sem söngvari eftir að One Direction hætti.
Cheryl var í stúlknasveitinni Girls Aloud en átti einnig farsælan sólóferil sem söngkona. Hún var áður gift fótboltamanninum Ashley Cole en eftir skilnað við hann giftist hún franska veitingahúsaeigandanum Jean-Bernard Fernandez-Versini. Þau skildu árið 2016 og fóru Cheryl og Liam að stinga saman nefjum stuttu eftir það.
Sögusagnir um sambandsvandræði komust á kreik fyrr á þessu ári. Talsverður aldursmunur er á parinu en Cheryl er 10 árum eldri en Liam. Sólóferill hans þótti einnig standa í vegi fyrir parinu. Hann viðurkenndi að sambandið væri ekki alltaf dans á rósum og þau ættu í vandræðum í viðtali við ES Magazine. Það væri þó eðlilegt og þau fari í gegnum erfiðleikana sem fjölskylda.
Þau eiga saman soninn Bear sem fæddist árið 2017
https://www.instagram.com/p/BSEw6PMhbx6/?hl=en&taken-by=cherylofficial