Lögreglan á höfuðborgarsvæðinu sendi í kvöld frá sér yfirlýsingu vegna frásagna kvenna sem hafa síðustu vikur og mánuði stigið fram og lýst kynbundnu ofbeldi undir merkjum #metoo-byltingarinnar. Í yfirlýsingunni ítrekar lögreglan að allir brotaþolar séu skjólstæðingar lögreglu.
„Síðastliðnar vikur og mánuði hafa margir stigið fram og lýst því að brotið hafi verið á þeim í orði og í verki. Konur eru þar í yfirgnæfandi meirihluta. Frásagnirnar eru margar og sumar svo átakanlegar að fólki er verulega brugðið,“ segir í yfirlýsingunni sem Gunnar Rúnar Sveinbjörnsson, kynningarfulltrúi lögreglunnar, sendi fjölmiðlum fyrr í kvöld.
„Lögreglustjórinn á höfuðborgarsvæðinu telur rétt að taka það skýrt fram að allir brotaþolar eru skjólstæðingar lögreglu,“ segir einnig í yfirlýsingunni sem lesa má í heild hér að neðan.
Síðastliðnar vikur og mánuði hafa margir stigið fram og lýst því að brotið hafi verið á þeim í orði og í verki. Konur…
Posted by Lögreglan á höfuðborgarsvæðinu on Laugardagur, 27. janúar 2018