Kvikmyndagerðarmaðurinn Michael Moore er staddur á Íslandi. Hann kom til landsins í dag og þessi mynd náðist af honum í Leifsstöð:
Michael Moore er hress í Leifsstöð. "Welcome to Iceland" sagði hann pic.twitter.com/PElYINavJ9
— Helgi K (@HelgiKB) May 8, 2015
Samkvæmt heimildum Nútímans er hann að gera heimildarmynd um íslenska og norska heilbrigðiskerfið.
Sjá einnig: Jón Gnarr hitti Michael Moore
Sömu heimildir herma að upplegg myndarinnar sé lág tíðni mæðradauða hér á landi og í Noregi miðað við í Bandaríkjunum.
Heimildarmyndir Moore eru bæði víðfrægar og umdeildar. Mynd hans Fahrenheit 9/11, sem fjallar um forsetatíð George Bush, er tekjuhæsta heimildarmynd allra tíma.
Hann er einnig þekktur fyrir myndirnar Bowling for Columbine og Sicko, þar sem hann fjallaði um heilbrigðiskerfið í Bandaríkjunum með sérstakri áherslu á tryggingarfélögin og lyfjaiðnaðinn.