Mixxxer er farsímavefur sem er ætlað að vera eins og Tinder, nema fyrir fólk sem er aðeins að leita að kynlífi. Engin stefnumót. Bara kynlíf.
Tinder hefur notið gríðarlegra vinsælda á Íslandi og er eflaust umtalaðasta app landsins um þessar mundir. Misjafnt er hvernig notendur nota appið; sumir vilja komast á stefnumót á meðan aðrir eru bara DTF (til í samfarir). Á Mixxxer er hins vegar tekið skýrt fram að þjónustan sé ekki ætluð þeim sem eru að leita sér að sófakúri.
Michael Manes, einn af stofnendum Mixxxer, segir í samtali við vefsíðuna The Daily Beast að það sé gríðarleg eftirspurn eftir þjónustunni:
Við vildum gera það sama og Tinder en sleppa við app-búðirnar og fylgja okkar eigin reglum. Þannig að Mixxxer er einfaldlega farsímavefur sem virkar eins og app.
100.000 manns skráðu sig á Mixxxer á fyrstu tveimur mánuðunum eftir að síðan fór í loftið. Á Mixxxer geta notendur deilt grófum myndum með öðrum notendum en til að vernda friðhelgi einkalífsins er innbyggður svokallaður sturtuhurðarfilter, sem hægt er að setja yfir myndirnar.
Mixxxer virkar á sama hátt og Tinder, notendur „svæpa“ til hægri eða vinstri til að taka afstöðu til annarra notenda. „Svæp“ til hægri þýðir að þú sért til í tuskið. Eins og Tinder notar Mixxxer GPS til að finna fólk sem er í kringum þig.