Lögin I of the Storm með Of Monsters and Men og All the Pretty Girls með Kaleo voru á dögunum í sama þætti af bandarísku dramaþáttunum Mistressess.
Þátturinn var sá tólfti í þriðju þáttaröð og var sýndur í Bandaríkjunum í lok ágúst en á Stöð 2 í kvöld.
Mistressess eru byggðir á breskum þáttum með sama nafni og fjalla um fjórar vinkonur sem lenda í ýmsum flóknum aðstæðum.
Þættirnir njóta talsverðra vinsælda en um þrjár til fjórar milljónir manna fylgjast að jafnaði með hverjum þætti í Bandaríkjunum. Þættirnir eru sýndir á Stöð 2 hér á landi og þriðja þáttaröð er í gangi.
Hér má heyra lagið með Kaleo.
Og hér má heyra lagið með Of Monsters and Men.