Danska ofurfyrirsætan Josephine Skriver-Karlsen er stödd á Íslandi. Skriver starfar fyrir undirfataframleiðandann Victoria’s Secret og er ein af svokölluðum englum fyrirtækisins.
Hún hefur birt myndir frá Íslandsferðinni á Instagram síðu sinni þar sem hún er með yfir fimm milljóni fylgjenda. Skriver hefur birt myndir af sér við Vesturhorn, Seljalandsfoss og Jökulsárlón.
Hún virðist vera hrifin af Íslandi
Skriver er ekki eina ofurfyrirsætan sem hefur heimsótt landið í sumar en á dögunum heimsótti Ashley Graham landið. Fleiri stjörnur hafa ferðast til Íslands í sumar en leikkonan Rebel Wilson var dugleg að birta myndir frá ferð sinni líkt og fyrrum fótboltakappinn David Beckham.
Yfir 300 þúsund manns hafa sett like við nýjustu færslu Skriver sem hún birti fyrri rúmum 16 klukkutímum.