Bíll sem lögreglan á höfuðborgarsvæðinu, lögreglan á Suðurlandi og sérsveitin veittu eftirför á Hellisheið endaði úti í Ölfusá við Selfoss. Vísir greinir frá.
Verið er að reyna að bjarga ökumanni bílsins en hann er kominn í spotta frá björgunarsveitum og hangir nú utan í bílnum.
Ekki liggur fyrir af hverju ökumanninum var veitt eftirför.
Í tilkynningu frá Ríkislögreglustjóra segir að Ölfusárbrú verði lokuð næsta hálftímann eða svo á meðan vettvangsvinna fer fram.
Uppfært kl. 11.06
Maðurinn er kominn á land og inn í sjúkrabíl. Hann var með meðvitund þegar honum var bjargað en mikið blóðugur.