Ólafur hættur á Fréttablaðinu

Auglýsing

Mikael Torfasyni, aðalritstjóra 365 miðla, var sagt upp störfum í dag. Þetta kom fram á DV.is og var staðfest á Facebook-síðu Mikaels. Samkvæmt heimildum Nútímans hefur Ólafur Stephensen, ritstjóri Fréttablaðsins, einnig sagt upp störfum.

Nýtt kl. 16.25: Heimildir Nútímans herma að Ólafur starfi út uppsagnarfrestinn.

Nýtt kl. 16.56: Kjarninn varpar ljósi á atburði dagsins hjá 365.

Kristín Þorsteinsdóttir verður aðalritstjóri 365 í kjölfar brotthvarfs Mikaels og Sigurjón M. Egilsson fréttastjóri samkvæmt frétt Vísis. Sigurjón stýrir útvarpsþættinum Sprengisandur á Bylgjunni og var áður fréttastjóri á Fréttablaðinu, ritstjóri Blaðsins og ritstjóri DV.

Auglýsing

Kristín var í júlí ráðin útgefandi 365. Þá kom fram að útgefandi sé yfirmaður fréttastofu og beri ábyrgð á störfum hennar gagnvart forstjóra, Sævari Frey Þráinssyni. Mikael Torfason aðalritstjóri átti að stýra áfram daglegum rekstri fréttastofu ásamt Ólafi Stephensen ritstjóra. 

Heimildir Nútímans herma að ósætti hafi komið upp milli Mikaels og Ólafs annars vegar og Kristínar hins vegar í síðustu viku. Óvíst er hvort það hafði áhrif á framvindu mála í dag.

Auglýsing

læk

Ummmmm...

Instagram