Ólöf Nordal innanríkisráðherra og oddviti Sjálfstæðisflokksins í Reykjavík norður, er með alvarlega sýkingu. Hún var lögð inn á sjúkrahús fyrr í þessum mánuði vegna lungnabólgu og sýkingu og hefur þurft að fylgjast með kosningabaráttunni frá hliðarlínunni eftir það.
Í bréfi til flokksfélaga sinna sem RÚV birtir og greinir frá segir hún að það sé óvenjuleg staða að leiða lista í kosningum en þurfa að fylgjast með gangi mála utan hringiðunnar.
Hún segir einnig:
„Á laugardaginn þurfa menn að velja milli óljósrar málefnastefnu á vinstri vængnum að forskrift Pírata eða áframhaldandi traustrar stefnu undir forystu Sjálfstæðisflokksins. Það er alltaf þannig að flokkar þurfa að sækja fyrst umboð sitt til kjósenda áður en þeir taka sér völd á leynilegum stjórnarmyndunarfundum.“
Þarna vísar Ólöf Nordal í viðræður Pírata síðustu daga við Viðreisn, Vinstri græn, Bjarta framtíð og Samfylkinguna. Niðurstöður viðræðnanna verða kynntar á morgun, fimmtudag.
Hér má sjá bréfið í heild sinni.