Haukur Viðar Alfreðsson, texta- og hugmyndasmiður á auglýsingastofunni Brandenburg, fékk sér lúr í hádeginu. Það er svo sem ekki í frásögur færandi nema vegna þess að samstarfsfólk Hauks ákváðu að hrekkja hann frekar duglega og birta á Facebook.
Mynd var tekin af grunlausum Hauki þar sem hann svaf. Hann var svo klipptur út úr myndinni og komið fyrir í ýmsum sprenghlægilegum aðstæðum.
Sjálfur hugsar Haukur samstarfsfólki sínu þegjandi þörfina, enda þreyttur eftir að hafa horft á leik í úrslitum NBA-deildarinnar í nótt.
„Þetta var nú bara 15 mínútna orkulúr,“ segir hann.
Ég vakti yfir NBA í nótt og ákvað að loka augunum eitt augnablik á meðan hinir fengu sér hádegismat. Þegar ég vaknaði voru ódámarnir byrjaðir að dæla inn myndum.
Afraksturinn er alveg fáránlega fyndinn. Upprunalega myndin er efst og eins og myndirnar fyrir neðan sýna varð einhvers konar listrænt stjórnleysi á Brandenburg.
Og hér höfum við myndirnar.
Haukur hugsar sig eflaust tvisvar um fyrir næsta lúr.
Ok. Við hlógum upphátt.
Þetta er allt of fyndið.
Dreptu mig ekki!
Nú er okkur öllum lokið.
Allt of fyndið.
