Pamela Anderson sló í gegn á tíunda áratugnum í þáttunum Baywatch, sem voru meðal annars sýndir á RÚV. Kvikmynd byggð á þáttunum er væntanleg og Pamela hefur nú loksins tekið að sér hlutverk í myndinni.
Dwayne Johnson, best þekktur sem The Rock, fer með hlutverk í myndinni ásamt Alexöndru Daddario og Zac Effron. Pamela hafnaði fyrsta tilboðinu frá framleiðendum myndarinnar en hefur nú fallist á nýtt og betra tilboð.
„Hún kynnti heimin fyrir CJ Parker og varð að ein af lifandi goðsögnum kynslóðarinnar okkar. Það gleður mig að bjóða Pamelu Anderson velkomna í hóp leikara í Baywatch-myndinni,“ sagði Johnson á Instagram í tilefni af fréttunum.
Við gætum ekki gert þessa mynd án þín. Velkomin heim!
Dwayne Johnson leikur Mitch Buchannon, í myndinni en David Hasselhoff túlkaði hann eftirminnilega í þáttunum. Hasselhoff hefur einnig tekið að sér lítið hlutverk í myndinni.
Seth Gordon leikstýrir myndinni en hann leikstýrði meðal annars gamanmyndinni Horrible Bosses. Myndin er væntanleg á næsta ári.