Paul McCartney og John Lennon fróuðu sér saman með smá hjálp frá vinum sínum

Auglýsing

Bítlarnir Paul McCartney og John Lennon áttu í afar sérstöku sambandi, miðað við það sem McCartney sagði í viðtali í tímaritinu GQ á dögunum. Þeir fróuðu sér saman ásamt félögum sínum og gáfu þannig texta sínum „I get by with a little help from my friends“ talsvert dýpri merkingu.

Paul McCartney var í viðtali um fortíðina í GQ og talaði meðal annars um hvað Bítlarnir gerðu þegar þeir voru ekki að semja tónlist. „Við vorum heima hjá John ásamt nokkrum öðrum,“ sagði hann.

Í staðinn fyrir að detta í það og djamma þá settumst við niður, slökktum ljósin og einhver byrjaði að fróa sér. Þannig að við gerðum það bara allir.

Paul sagði að ásamt John hafi þrír félagar þeirra tekið þátt í gjörningnum. Hann sagði þá alla hafa hrópað nöfn kynþokkafullra kvenna til að „hjálpa“ hver öðrum.

„Við hrópuðum: „Brigette Bardot! Vú!“ sagði hann. Spurður hvort þeir gerðu þetta oftar en einu sinni var Paul ekki viss. „Ég held að þetta hafi bara gerst einu sinni eða tvisvar. Þetta var ekkert stórmál. En þetta var bara eitthvað sem maður pældi ekki mikið í. Við vorum bara hópur.“

Auglýsing

Paul viðurkennir að þetta hafi verið frekar gróft en leggur áherslu á að um bernskubrek var að ræða. „Maður gerir svo margt skrítið þegar maður er krakki. Við vorum bara að skemmta okkur og þetta særði engan — ekki einu sinni Brigette Bardot.“

Auglýsing

læk

Ummmmm...

Instagram