Rúrik hlutgerður af argentískum konum og hataður af argentískum körlum: „Ég skal hugga þig“

Auglýsing

Vinsældir Rúriks Gíslasonar á Instagram ætla engan endi að taka. Þegar þetta er skrifað er hann kominn með rúmlega 760 þúsund fylgjendur á samfélagsmiðlinum en hann var með rúmlega 30 þúsund þegar hann kom inn á í leik Íslands og Argentínu í síðustu viku.

Rúrik hefur birt þrjár myndir á Instagram síðan aðgangurinn hans sprakk í loft upp og hafa þær sópað að sér frá 140 þúsund upp í 230 þúsund lækum. Áhugavert er að skoða athugasemdirnar við myndirnar en þar er fólk frá Argentínu áberandi. Konurnar frá Argentínu eru duglegar við að hlutgera Rúrik á meðan karlarnir hafa í hótunum.

Rúrik birti þessa myndi í gær sem sýndi undirbúning fyrir leikinn gegn Nígeríu

Eins gott að þið tapið leiknum á morgun,“ skrifaði Argentískur karlmaður undir myndina í gær og bætti við: „Tíkarsonur!“ Argentína tapaði stórt gegn Króatíu í gær og þarf að treysta á að Ísland vinni ekki Nígeríu í dag.

Auglýsing

„Ég er á leiðinni til Íslands,“ segir Argentísk kona en hún er kurteisari en margar kynsystur sínar sem fara margar fram á að Rúrik barni sig. Obbobbobb. Karlarnir eru hins vegar ekki sáttir við Rúrik eða íslenska liðið og rakka Rúrik niður í ummælakerfinu á þann hátt að við höfum ekki áhuga á að vitna í þá.

Enn önnur kona óskar þess heitt að Ísland tapi leiknum en bætir við að hún sé tilbúin að hugga Rúrik eftir leikinn.

Auglýsing

læk

Ummmmm...

Instagram