Rúrik Gíslason er einn vinsælasti Íslendingurinn á samfélagsmiðlum en undanfarið hefur fylgjendum hans á Instagram fækkað. Rúrik segir að þetta hafi gerst eftir að hann byrjaði að birta myndir af kærustunni sinni.
Sjá einnig: Rúrik ekki lengur með milljón fylgjendur á Instagram
Rúrik vakti mikla athygli á HM í Rússlandi síðasta sumar og varð algjör sprenging á samfélagsmiðlum kappans. Hann fékk mest rúma 1,3 milljón fylgjendur og varð vinsælasti Íslendingurinn á Instagram um stund.
Rúrik sem er 31 árs gamall er í sambandi með fyrirsætunni Nathalia Soliani en þau eru bæði dugleg að sýna frá ævintýrum sínum á samfélagsmiðlum.
,,Fylgjendurnir hafa horfið eftir að ég byrjaði að birta myndir af kærustunni minni. Ég veit ekki af hverju,“ sagði Rúrik í viðtali við þýska miðilinn Sudwestrundfunk .
Sjá einnig: Rúrik Gíslason setur íslenskt gin á markað