Kona sem starfar sem landamæravörður hjá lögreglunni á Suðurnesjum var í lok nóvember dæmd til sektar fyrir að fletta upp upplýsingum um sinn fyrrverandi í LÖKE-kerfinu. Þetta kemur fram í Fréttablaðinu í dag.
Konan, sem er á fertugsaldri, var einnig dæmd til sektar fyrir að fletta upp upplýsingum um konu sem hún hafði átt í samskiptum við vegna lögreglumáls. Í frétt Fréttablaðsins kemur fram að flettingarnar hafi ekki tengst starfi hennar og þarf hún því að borga sekt upp á 100 þúsund krónur.
Konan var ákærð í lok september og játaði háttsemi sína en samkvæmt frétt Fréttablaðsins neitaði hún sök á þeim forsemdum að hún hafi ekki notfært sért upplýsingarnar sem hún fékk úr LÖKE.