today-is-a-good-day

Setja ekki upp nýja IKEA-geit fyrir jólin, vísar því á bug að starfsmenn hafi kveikt í

Ekki verður sett upp önnur geit við IKEA í Kauptúni í Garðagæ fyrir jólin í ár í stað þeirrar sem brann til kaldra kola aðfaranótt mánudags eftir að kveikt var í henni.

Markaðs- og umhverfisfulltrúi IKEA vísar því að bug að fyrirtækið hafi sjálft staðið fyrir íkveikjunni.

Farið verður fram á skaðabætur vegna tjónsins en ekki liggur fyrir hversu há krafan verður.

Sjá einnig: Æsilegur bílaeltingaleikur starfsmanns IKEA og brennuvarganna endaði á Bústaðavegi

Guðný Camilla Aradóttir, markaðs- og upplýsingafulltrúi IKEA, segist í samtali við Nútímann hafa brugðið þegar hún las athugasemdir við fréttir fjölmiðla af brunanum í gær.

„Fólk hefur gríðarlegan áhuga á geitinni okkar en virðist þó skiptast í hópa,“ segir Guðný.

Hún segir að sumir virðist elska geitina og skammast út í þá sem geti ekki látið eigur annarra í friði. Aðrir telji aftur á móti að bruninn sé hluti af markaðssetningu IKEA og að starfsmennirnir vonist til að kveikt sé í henni þannig að búðin fái meiri athygli.

Þá segist Guðný einnig hafa séð kenningar um að starfsmenn IKEA hafi sjálfir kveikt í jólageitinni. Hún segir það fjarri lagi.

„Okkur finnst þetta mjög leiðinlegt, það var von okkar að hún fengi að standa,“ segir Guðný.

Auglýsing

læk

Instagram