Íslendingar tístu oftar en 40.000 sinnum yfir Eurovision í ár. Þetta kemur fram á vef Vodafone og er verið að miða við undankeppnina heima, undanúrslitakvöldin tvö og svo aðalkeppnina í gær.
Rúmlega 20 þúsund tíst birtust yfir lokakeppninni í gær en það er talsvert meira en í fyrra þegar Íslendingar tístu rúmlega 16 þúsund sinnum.
Mikil brandarakeppni fer í gang yfir keppninni en sumir nýta einnig vettvanginn til að koma pólitískum skilaboðum á framfæri.
Nútíminn grúskaði í tístahafinu og fann sex tíst sem fengi meiri undirtektir en önnur.
Ástralir fengu sinn skammt af Nágrannabröndurum.
Elsku Ástralía. Nú fáið þið að kynnast því hvað "that's when good neighbours become good friends" þýðir í raun og veru. #12stig
— Una Hildardóttir (@unaballuna) May 23, 2015
Pólitíkin var ekki langt undan.
Nú líður senn að lokum Eurovision og við tekur rofið milli skynjunar og raunveruleikans. #rofið #12stig
— Heiða Kristín (@heidabest) May 23, 2015
Ef Svíþjóð vinnur mæti ég í leðurbuxum í vinnuna #12stig
— Dagur B. Eggertsson (@Dagurb) May 23, 2015
Next up: Lagið Milljón raddir, fyrir hönd þjóðarinnar sem myrðir blaða- og stjórnmálamenn ef raddir þeirra eru óþægilegar. #12stig
— Gísli Marteinn (@gislimarteinn) May 23, 2015
Bragi var ekki ánægður með Bretana. Ekki Evrópa heldur.
Bretar virðast vera þeir einu sem vita hvað það kostar að halda Eurovision. #12stig #ætlaaldreiaðvinna
— Bragi Valdimar (@BragiValdimar) May 23, 2015
Og Gísli Pálmi skaut meira að segja upp kollinum.
Af hverju í fjandanum var Gísli Pálmi ekki stigakynnirinn okkar? #12stig
— Adda (@addathsmara) May 23, 2015