Bubbi Morthens er gestur Sögu Garðarsdóttur og Uglu Egilsdóttur í nýjasta þættinum af Ástin leigumarkaðurinn í Alvarpi Nútímans. Í síðasta þætti viðurkenndi Saga að hún fantaseraði um Bubba og það lá því beinast við að fá hann í þáttinn.
Ýmislegt skemmtilegt kemur fram í þættinum og Nútíminn tók saman nokkra mola úr viðtalinu en þáttinn má hlusta á neðar í færslunni.
7. Bubbi segist vera algjör lúði
„Það sem gerir mann að ástarmeistara er að vera algjör lúði og algjörlega ekki að vera með þetta.“
6. Bubbi hefur íhugað sjálfsvíg
„Ég var á mjög vondum stað. Þunglyndur og íhugaði að taka líf mitt. Ég veit ekki hvort þetta var ástarsorg. Ástarsorg er eitt, en svo er að vakna upp einhvers staðar og þú heyrir ekki raddir barna þinna.“
5. Sumar konur fjallar um að maður eigi ekki að halda framhjá
„Ég er þannig maður. Ég held ekki framhjá. Ef þú heldur framhjá ertu að búa til svo mikið vesen að þetta vesen étur þig. Að halda framhjá er veikleikamerki. Þegar maður var laus og liðugur þá þurfti maður voða lítið að hafa fyrir þessu — þær bara komu.“
4. Bubbi hefur ekki grátið síðan árið 2004
„En ég græt oft inni í mér. Ég græt öðruvísi. Kannski kókaði ég bara tárakirtlana í burtu.“
3. Bubbi hefur stundað hrikalega mikið kynlíf
„Bara brjálæðislega en framan af var ég bara að stunda kynlíf með sjálfum mér.“
2. Kynlíf er dópið
Hvaða eiturlyf ráðleggur Bubbi þeim Sögu og Uglu að taka? Svarið er einfalt: „Kynlíf, kynlíf, kynlíf.“
1. Bubbi er að gera plötu um konur
„Mér finnst alltaf nýjasta efnið mitt langsamlega best. Það er drifkrafturinn.“
Og hér er þátturinn, gjörið svo vel: