Snorri Björns (snorribjorns) er á meðal vinsælustu Íslendinga landsins á Snapchat. Manuela Ósk (manuelaosk) er það líka. Það var því bara tímaspursmál hvenær þetta myndi gerast:
Hver er Snorri Björns, af hverju er ég með hann á Snap og ætli hann vilji byrja með mér? #crushin
— Manuela Ósk (@manuelaosk) February 8, 2016
Rúmlega 11 þúsund manns fylgjast með Snorra á Snapchat en hann sló í gegn þegar hann birti færslur frá heimsleikunum í Crossfit í fyrra. Hann Snappaði líka frá Íslandsmeistaramótinu og risamóti á Spáni og við birtum þetta allt á Nútímanum.
Snorri var ekki lengi að svara Manuelu á Twitter og bauð henni út að borða.
.@manuelaosk ef þú ert officially að biðja mig um að byrja með þér þá vil ég officially bjóða þér út að borða
— Snorri Björns (@snorribjorns) February 9, 2016
Og í kjölfarið velti Manuela þessu fyrir sér.
Ætti ég að byrja í Crossfit?
— Manuela Ósk (@manuelaosk) February 9, 2016
Þau eru bæði gríðarlega vinsæl á Snapchat og hafa velt væntanlegu stefnumóti fyrir sér þar. Fólk bíður með öndina í hálsinum eftir frekari væringum í þessu máli enda fallegt fólk.
https://www.instagram.com/p/BBdInuMqA14/?taken-by=manuelaosk
Svo er fólk byrjað að velta fyrir sér nafni, í anda Brangelina (Angelina Jolie og Brad Pitt) og Kimye (Kim Kardashian og Kanye West).
Ok mikilvægar shipname ákvarðanir sem við ættum að taka saman, hvort verður það:
— Sunna Ben (@SunnaBen) February 9, 2016
Við vitum samt ekki alveg með Snorruela.
Snorri mætti svo í útvarpsþáttinn Brennsluna á FM957 í morgun og ræddi mál málanna. Hann sagði Hjörvari Hafliða og Kjartani Atla meðal annars frá hvað hann hugsaði þegar Manuela birti tístið örlagaríka
„Fyrsta sem ég hugsaði var: „Price went up“,“ sagði hann léttur.
„Ég sagði það og er búinn að segja margoft við hana að þetta er að fara að gerast. Þetta er sjóðandi heitt. Mér er alvara með þetta. Það væri geggjað að fara út að borða.“
Spurður hvort hann ætli að Snappa deitinu stendur ekki á svari frá Snorra: „Já, 100%“.
Við bíðum spennt eftir framhaldinu.