today-is-a-good-day

Slökkvilið kallað út í Krummahóla vegna reyks í morgun, íbúi reyndist vera að grilla í rokinu

Allt tiltækt lið slökkviðs höfuðborgarsvæðisins var kallað út í Krummahóla í Breiðholti á níunda tímanum í morgun eftir að tilkynning barst um reyk. Útkallið barst kl. 8.50.

Þegar slökkvilið kom á staðinn reyndist maður vera að grilla á svölum íbúðarhúss í götunni og engin hætta á ferðum.

Slökkviliðsmenn ræddu við manninn sem hélt síðan áfram að grilla eins og ekkert hefði í skorist, segir Rúnar Helgason, varðstjóri hjá Slökkviliði höfuðborgarsvæðisins, í samtali við Nútímann.

Við höfum fullan skilning á því að menn þurfi að borða, sama á hvaða tíma sólarhrings það er.

Engum sögum fer af því hvað var á grillinu hjá manninum þennan morguninn.

Kl. 9 í morgun voru 13 m/sek í Reykjavík, níu stiga hiti og lítilsháttar rigning.

 

Auglýsing

læk

Instagram