Starfsmaður barnaverndar tvisvar kærður fyrir kynferðisbrot en starfaði áfram með börnum

Auglýsing

Starfsmaður barnaverndar, sem situr í gæsluvarðhaldi grunaður um alvarleg kynferðisbrot, var kærður fyrir samskonar brot fyrir fimm árum. Yfirmaður kynferðisbrotadeildar lögreglu segist í samtali við Rúv harma mistök sem gerð voru í málinu. Málið var fyrnt og látið niður falla en yfirmenn hans hjá Barnavernd Reykjavíkurborgar fengu ekki að vita af kærunni fyrr en í síðustu viku.

Maðurinn var kærður í ágúst síðastliðnum fyrir að hafa á árunum 2004 til 2010 brotið gróflega gegn ungum pilti. Hann var þá stuðningsfulltrúi piltsins og tveggja systkina hans og síðan hafa systkinin einnig borið vitni um kynferðisofbeldi mannsins í sinn garð.

Sævar Þór Jónsson, lögmaður drengsins sem lagði fram kæru í ágúst, segist í samtali við mbl.is oftar en einu sinni hafa ítrekað kæruna áður en lögregla tók málið loks til skoðunar. „Það kom fram í kærunni að maðurinn starfaði með börnum og væri í því hlutverki sem hann var í. Það gerðist ekkert fyrr en ég ýtti á eftir þessu,“ segir Sævar í samtali við mbl.is

Fréttastofa Stöðvar 2 greindi frá því í gær að maðurinn hefði hins vegar ekki verið handtekinn fyrr en nú í janúar. Vinnuveitendur hans hjá Barnavernd Reykjavíkurborgar fengu að vita af málinu í síðustu viku.

Auglýsing

Yfirmaður mannsins á skammtímaheimili fyrir unglinga segir í samtali við Vísi að málið algjörlega til skammar. „Það er skandall að svona grunur hafi komið upp fyrir mörgum árum síðan og enginn veit af því,“ sagði Sigurður Hólm, forstöðumaður hjá Barnavernd Reykjavíkur í samtali við Vísi.is.

Maður sem er á fimmtugsaldri hefur starfað með börnum og unglingum í um tuttugu ár í gegnum störf sín hjá Reykjavíkurborg.

Auglýsing

læk

Ummmmm...

Instagram