Stefan Octavian Gheorge er tvítugur íslenskur strákur sem starfar sem klámmyndaleikari, sá fyrsti hér á landi svo vitað sé. Stefán er með opinn Snapchat-reikning þar sem hann leyfir fylgjendum sínum að fylgjast með öllu sem við kemur starfinu. Notendanafn Stefáns á Snapchat er: stefanoctavian.
Stefán var einmitt staddur í vinnuferð í Prag þegar Nútíminn talaði við hann en yfir 4.000 manns fylgjast með honum á degi hverjum á Snapchat. Hann segir að þrátt fyrir að símanotkun sé bönnuð á tökustað stelist hann aðeins til að leyfa fylgjendum að skyggnast inn í klámheiminn. „Ég snappa í förðuninni og í græna herberginu þar sem við leikararnir bíðum meðan aðrir eru í myndatöku,“ segir Stefán.
Hann segist þó passa sig á því að vera ekki að snappa þá meðleikara sem vilja það ekki. „Margir eru þarna bara til að vinna fyrir pening og vilja ekki auglýsa sig, svo eru margir þarna gagnkynhneigðir og vija ekki sjást.“
Hann segir að flestir vinnufélagarnir taki því þó vel þegar hann er með símann á lofti. „Auðvitað eru strákar þarna sem hafa gaman að því að fíflast með mér á snapchat. Þeir virða það sem ég geri og eru margir að fylgjast með mér á Snapchat.“
Stefán hvetur alla sem eru forvitnir um vinnuna hjá honum og hafa e.t.v. einhverjar spurningar að fylgja sér á Snapchat. Hann er einnig virkur á Instagram fyrir áhugasama.