Stóra kökumál Sigmundar: Súkkulaðikaka með perum í mötuneyti Alþingis

Auglýsing

Sigmundur Davíð Gunnlaugsson forsætisráðherra yfirgaf þingsal í dag á meðan að fyrirspurn sem beint var til hans var til umræðu. Þingmenn stjórnarandstöðunnar sögðu að Sigmundur hefði farið út úr salnum til að fá sér köku og sökuðu hann um óvirðingu. Kjarninn greinir frá þessu.

Sjá einnig: Þrjú atriði úr stefnuyfirlýsingu ríkisstjórnarinnar sem allir virðast vera búnir að gleyma

Nútíminn kannaði málið og komst að því að súkkulaðikaka var á boðstólnum í mötuneyti Alþingis í dag. Kakan var með brúnu kremi og niðursoðnum perum. Samkvæmt heimildum Nútímans „nálgaðist hún“ að vera djöflaterta.

Kakan var þó aðeins einnar hæðar og boðið var upp á rjóma með. Heimildir Nútímans herma að Sigmundur hafi fengið síðustu sneiðina, lokað sig af og borðað hana.

Auglýsing

Það var Svandís Svavarsdóttir sem sakaði Sigmund um að yfirgefa umræðurnar um vernd afhjúpenda til að fá sér köku.

Hann var að fara að fá sér köku, virðulegi forseti. Ég verð bara að segja það að mér finnst þetta með algjörum ólíkindum. Ég spyr forseta hvort þetta geti talist til sóma í þinginu?“

Í kjölfar hennar fylgdu nokkrir þingmenn, meðal annars Helgi Hjörvar, þingmaður Samfylkingarinnar, og Róbert Marshall, þingmaður Bjartrar framtíðar, og tóku undir málflutning Svandísar.

Helgi Hrafn Gunnarsson, þingmaður Pírata, sagðist loks hafa talið að hann væri hættur að verða hissa yfir framkomu forsætisráðherrans í þinginu, en í þetta skiptið hafi hann orðið hissa.

Auglýsing

læk

Ummmmm...

Instagram