Kaka ársins er komin í bakarí landsins enda konudagurinn framundan á sunnudaginn. Bakarameistarinn Hilmir Hjálmarsson frá Sveinsbakaríi er höfundur kökunnar sem hann nefnir „Romm-tastic“. Eina skilyrðið í keppninni var að súkkulaðistykkið Rommý væri notað í kökuna en annars fengu bakarar landsins frjálsar hendur.
Nútíminn fékk að fylgjast með samsetningu kökunnar sem minnir helst á flókinn konfektmola. Hún er lagskipt og inniheldur m.a. súkkulaðibotn, kókosbotn, mulinn marengs og súkkulaðimús og er hjúpuð glansandi súkkulaði- og karamelluganas.
Byrjum á að sjá þegar Rommý súkkulaðinu er hrært saman við súkkulaði og rjóma. Ó já:
Botninn er klassískur brownie-botn. Nauðsynlegur, segjum við allavega.
Hér erum við með svokallað cara crakine sem er núggathnetumauk
Því næst kemur lag af Rommý-músinni. Hlutirnir eru að verða áhugaverðir
Svo er mulinn yfir púðursykurmarengs.
Og svo meiri súkkulaðimús
Og svo kókosbotn sem felur sig þarna í súkkulaðimús
Og aðeins meiri súkkulaðimús. Aldrei of mikið af súkkulaðimús
Næst kemur bananakaramellan. Það styttist í að við sturlumst úr einhvers konar kökufrygð hérna.
Meiri súkkulaðimús!
Allt gert slétt og fínt
Og loks hjúpað með glansandi karamelluganas sem inniheldur hvítt súkkulaði, rjómasúkkulaði og smá karamellu
